大陸女仔話下面生疱疹想攞藥。佢用手機影咗相，但係唔肯真人做檢查。我同佢講唔做檢查冇得攞藥。我手機張相望都無望。你可以求其上網攞張相又得。你幫其他人攞藥又得。呢啲係性病可大可小。
其實佢入嚟最初係搵男醫生，姑娘同佢講要做檢查佢先至搵女醫生。咁你都搵得女醫生，唔係預咗要做檢查架咩？又怕咩尷尬呢？
佢話大陸啲醫生唔使睇就咁比藥就得，但係佢冇時間返大陸睇。你都識話大陸啦姐姐，呢度始終係香港。大陸夠就咁俾你哋自己買抗生素醫傷風感冒啦。冇得咁樣對比架喔！
最尾我唔肯睇，佢就問姑娘隔離個男醫生肯唔肯。可樂醫生梗係都唔肯啦。佢最後攞返診金話自己返大陸睇。呢啲錢我係唔會俾我老細賺嘅。🤷🏽♀️
其實如果真係有性病仲要早啲醫啦。來來會回你仲浪費自己時間啦。同埋有時禍不單行，性病呢啲嘢打孖上㗎嘛。都係果句，小心啲啦，保護自己，唔係手尾好長。
～～
細細個呢個成日飲綠寶嘅盒裝果汁，而家要買唔知係越南定泰國嘅東南亞牌子先有得飲。好似D味唔同咗？🤔
#出賣年齡系列
Search